Çində dünyanın ilk süni intellekt xəstəxanası açılıb!
Pekindəki Tsinghua Universitetinin tədqiqatçıları tərəfindən hazırlanmış bu xəstəxana "Agent Hospital" olaraq adlanır. Xəstəxana 6 aylıq intensiv tədqiqat və inkişafdan sonra istifadəyə hazır hala gəlib. Tədqiqat qrupunun rəhbəri Liu Yang, bu süni intellekt xəstəxanasının həm səhiyyə işçiləri, həm də geniş ictimaiyyət üçün böyük faydalar təmin edəcəyini bildirir. Liu-nun sözlərinə görə, süni intellekt həkimləri sayəsində səhiyyə daha sürətli, effektiv və əlçatan olacaq. Bəs bu süni intellektli həkimlər nə edə bilər? Belə ki, bu həkimlər ABŞ Tibbi Lisenziyalaşdırma İmtahanı suallarına əsaslanan MedQA verilənlər bazasında sınaqda 93.06% müvəffəqiyyət dərəcəsi əldə ediblər. Deməli, onlar əsl həkimlərdən demək olar ki, fərqlənmirlər.
Başda tənəffüs xəstəlikləri olmaqla bir çox xəstəliyin diaqnoz və müalicəsini simulyasiya edə bilən bu süni intellektli həkimlər, bütün konsultasiya, müayinə, diaqnostika, müalicə və təqib proseslərini öz üzərinə götürə bilirlər. Onlar həmçinin bilikləri bölüşmək və rolları genişləndirmək bacarığı ilə tibb tələbələri üçün böyük bir təhsil fürsəti təqdim edirlər. Bu xəstəxana tibb fakültəsi tələbələri üçün də gözəl imkanlar təqdim edir. Gerçək xəstələrə zərər vermək qorxusu olmadan müalicə planlarını tövsiyə etmək bacarığı tələbələrə praktika etməyə və təcrübə qazanmağa imkan verəcək. Liu Yang-ın sözlərinə görə, bu yolla “yüksək ixtisaslı həkimlər” yetişəcək. Bundan əlavə, süni intellektli həkimlər sayəsində onlayn teletibb xidmətləri təklif ediləcək və bu həkimlər minlərlə, hətta milyonlarla müraciətə baxa biləcəklər. Süni intellekt texnologiyası həm də əhali üçün yüksək keyfiyyətli, sərfəli və əlçatan səhiyyə xidmətləri göstərməyi hədəfləyir.
